क्यारोलिना बिच

क्यारोलिना बिच
मेरो बिदा वर्षमा जम्मा ३ दिन हुन्छ थ्याड.स गिभिड. डे, क्रिसमश र इस्टर । बिदा पाउने अघिल्ला २ दिनहरु ब्यावसाहिक ब्यस्तताका कारण कही घुम्न जाने अवस्था हुदैन तर इस्टर भने यस्तो समय हो जुन समय खासै ब्यावसायि ब्यस्तता हुदैन । त्यसैले म इस्टरमा प्राय घुम्न जाने योजना बनाउछु । पोहरसाल ग्रेण्डफादर माउन्टेन गएको थिए । यस पाली भने म बसेको नजिक समुन्द्रको छेउ क्यारोलिना बिच जाने निधो गरे ।

आज्ञाकारी चड्कन

३ वर्ष अगाडी म साउथ क्यारोलिनाको पूर्विय शहर फ्लोरेन्सको मंग्नोलिया मलमा काम गर्थे । एक दिन मैले काम गर्ने फेसन कपडा पसलमा एक काले(अफ्रिकन अमेरिकन) अन्दाजी ६ वर्षकी छोरी लिएर आयो । काले आफुलाई चाहिने कपडा खोज्न स्टोरको चारै तिर घुम्न थाल्यो । उस्की छोरी काउन्टर नजिकै रहेको सोकेसमा बेच्न राखेका रंगी बिरंगी जिसक (घडी)  हेर्न आई । म सोकेस नजिकै काउन्टरमा थिए । त्यो फुच्चीलाई पिड.कलरको घडी मन परेछ मलाइ निकाल्न भनी । उस्को तोते बालापन आवाज र एस्क्युजमी भन्ने बिनम्र शब्दले बोलेको सारै रमाइलो लाग्यो । घडी निकालेर देखाए । उस्ले हेरी अनी भन्न थाली मेरो ग्रामालाई भनेर म पछी किन्न आउछु है ?

हजुरबा चुलीमा मेरो इस्टर

मैले वर्षमा ब्लाकफ्राइडे, क्रिसमस र इस्टर गरी मुस्कीलले ३ दिन छुट्टी पाउछु । इस्टर यसोक्रीस्टको पूर्नजन्मको दिन मानिन्छ । यसपालीको इस्टरको छुट्टी मनाउन पहाड तिर उक्लने बिचार गरे । घरमा मिठो चिकन बिर्यानी बनाए र ...सामान्य खानेकुरा,पानी र यात्रामा चाहिने अत्यावस्यक बस्तु कारमा कोचे ।मेरो सेतो मित्सुबिसी ल्यान्सर कारमा नेपाली गित लगाउदै एक्लै पहाडी अनगिन्ती घुम्ती छिचल्दै अमेरिकन चाड इस्टरको छुट्टी मनाउन ब्लोइड.रक तिर हुइकिए ।

नाथुराम नेपालमा पनि जन्मने छन 

भारतका राष्ट्पिता माहात्म गान्धीको हत्या गर्ने नाथुराम गोडेसी थिए र उनले सन १९४८ जनवरी ३० मा तीन गोली हानी मारेका हुन । आज पनि भारतमा धेरै मानिसहरु नाथुरामलाई अपराधीको रुपमा नहेरी क्रान्तिकारीको रुपमा हेर्ने गर्छन ।  यसै बिषयमा धेरै लेखकले कितावहरु लेखेका छन भने नाथुरामले आफ्नो अन्तिम बक्तब्यमा भनेका कुरा यती महत्वर्पुण छन जसलाई अडियोमा पनि सुरक्षित राखिएको छ । यो सत्य हो कि उनी गान्धीका प्रसंसक थिए,बृटिस भगाउ आम्दोलनका सक्रिय सदस्य थिए तर पनि गान्धीको हत्या किन गरे त्यो अती महत्वपूर्ण खोजीको बिषय हो ।

ठूलो एकादशी भर्सेस थ्याङस् गिभिङ डे 

   आज ब्लाक फ्राई डे । १४ घण्टाको लगातार कामले थाकेको शरिर घरमा आएर खाना बनाउने हिम्मत भएन । हिजो झण्डै ६ महिनामा मिलेको छुटटी भएकोले टर्कीको मासु र बियरमा बित्यो ।  केही असर आज दिनभर छदैथियो । मासु अली बढि नै खाइएछ पेट त्यती ठिक छैन । फ्रिजमा भएको स्याउ र केराकाटेर फ्रुट सलाद बनाए । यसैको भरमा आजको रात काट्ने निर्णयका साथ कम्प्युटरमा बसे ।   स्काइभ र फेसबुक खोल्न नपाउदै घरतिरबाट श्रीमतीले हेलो भनिन । आज ठुलो एकादशी रहेछ  । आज बिहानै गाउमा गएको र तोरण तार्नेकार्य भएकोले फूलबोकी गंगाजी सम्म भोको पेट दिनभर हिडेर आएको खवर सुनाइन । म झसंग भए । आजै मेरो आफ्नै बुबाले चार महिना ब्रर्त अर्थात चर्तुमासबसी यती ठुलो कार्य गर्दै हुनुहुन्छ तर म यहा के के खाए खाए । 

शब्दको दशै, प्याकेटको खसी

आयु दोर्ण सूते, श्रीयंच दशरथे, शत्रु क्षय राधवे............. ।
(अर्थात दोर्णचार्य ऋषिका छोरा अशस्थामाको जस्तो अमरण आयु, अओध्याका राजा दशरथका जस्तो श्रेय......आदी ।)

   केटाकेटी उमेरमा छिमेकी ठुलाबाले दशैको दिनमा फतफताएका शब्द उतीखेर बुझ्दैनथे  । एक महिना अगाडी काक्रा चोरेको रिसमा धारे हातलगाएर मरी जाओ भनेका यि बा आज निकै खुसी साथ आउ बाबु भन्दैे नरिसाइ सस्कृतका श्लोक र नेपालीमा पनि भन्दै थिए बासझै नुगे कास झै फुले सन्तानले डाडाकाडा ढाकुन । नमाते ,भाग्यमानी भए भन्दै टिका जमरा लगाई दिदा बुढाले काक्राचोर काण्ड भुलेछन जस्तो लागेको थियो । आत्ममा जे होस दशैको दिनमा सवैको मुखबाट मिठो शब्द आसिरबाद पाउदा मन निकै खुसी हुन्थ्यो ।

 उडेको सपना 

टिमिक्क पाईन्ट, चिटिक्क नाक, गहुगोरो अनुहार,  सदाबहार हसिलो मुहार । मिलेको पहिरन, मिठो बोली, लचकदार हिडाइ । कालो चस्मामा स्टाइलिस बनी सधै एक युवती तिब्रगतीमा निलो क्याम्री कार हाकेर आउथी । उस्लाइ  देख्दा मोरीको क्या सानदार जिवन, जिउनु त यसरी पो जस्तो लाग्थ्यो । छब्बिस वर्षिय एक हिन्दु भेजिटेरियन नारी जस्ले अंग्रजी, मातृभाषा र आफ्नो जन्मदेशको राष्टिय भाषा फरर बोल्छे । मनको कुरा स्पस्ट राख्छे, अरुलाई मददत गर्न खोज्छे तर आफु कसैसग मद्यत लिन खोज्दिन ।  आफै केही गर्नुपर्छ भन्ने स्वभाव तथापी ठुलो मान्छे बन्ने वा धेरै धन कमाउने लालचा नभएकी , कहिल्यै झुट नवोल्ने, झुट बोलेको  र काम प्रति हेलचक्राइ वा बदमासी गरेको पटक्कै मन नपराउने स्वभाव ।  प्रतेक काम प्रति अत्यन्त इमान्दार,असल एवं कर्तब्यनिष्ठ रहने  भित्री मन र बाहिरी तन सुन्दर ।